نصیرآباد (ویب ڈیسک): نصیرآباد شہر میں مسافر خانے کی سہولت نہ ہونے کے باعث آنے جانے والے مسافروں، بالخصوص خواتین، بچوں اور بزرگوں کو بیٹھنے اور آرام کرنے کی جگہ نہ ملنے پر شدید مشکلات کا سامنا ہے۔
آزاد پریس کلب نصیرآباد کے صدر سید قمر عباس کی جانب سے مسافر خانے کے قیام کے لیے مسلسل جدوجہد جاری ہے، جبکہ ایم پی اے نوابزادہ برہان خان چانڈیہ سمیت اعلیٰ حکام کو بھی آگاہ کیا جا چکا ہے، تاہم تاحال کوئی عملی اقدام نہیں اٹھایا گیا۔
سید قمر عباس نے اعلیٰ حکام سے مطالبہ کیا ہے کہ عوامی مشکلات کا احساس کرتے ہوئے نصیرآباد میں بلا تاخیر مسافر خانہ قائم کیا جائے، بصورت دیگر مطالبے کی منظوری تک احتجاج کا سلسلہ جاری رکھا جائے گا۔



