ڈیرہ اسماعیل خان میں سیکیورٹی فورسز نے انٹیلی جنس اطلاعات پر کارروائی کرتے ہوئے 3 مبینہ خوارج عسکریت پسندوں کو ہلاک کرنے کا دعویٰ کیا ہے۔
سیکیورٹی ذرائع کے مطابق آپریشن استحکام کے عزم کے وژن کے تحت کیا گیا، جس کے دوران 3 مبینہ دہشت گرد مارے گئے۔ ذرائع کا کہنا ہے کہ سیکیورٹی فورسز کی کارروائیاں دہشت گردوں کے نیٹ ورک کو کمزور کرنے میں موثر ثابت ہو رہی ہیں۔
واضح رہے کہ گزشتہ روز ڈیرہ اسماعیل خان میں انٹیلی جنس بیسڈ آپریشن کے دوران 8 مبینہ دہشت گرد مارے گئے تھے، سیکیورٹی ذرائع کے مطابق فتح الخوارج کے 3 اہم رہنما بھی شامل تھے۔
