مسلم لیگ ن کے رہنما اور وزیراعظم کے مشیر رانا ثناء اللہ نے کہا ہے کہ فیلڈ مارشل عاصم منیر نومبر 2027 تک آرمی چیف کے عہدے پر برقرار رہیں گے۔ ان کے مطابق عاصم منیر نے جو کامیابیاں حاصل کی ہیں، ان کے بعد ان سے زیادہ توسیع کا کوئی مستحق نہیں ہوسکتا۔ رانا ثناء اللہ نے کہا کہ قانون میں توسیع کی گنجائش موجود ہے، ماضی میں بھی چار، چار بار توسیع دی جاتی رہی ہے جبکہ کچھ لوگ خود بھی توسیع لیتے رہے۔ انہوں نے مزید کہا کہ جو فیصلے بھی ہوئے ہیں وہ نواز شریف کی حمایت سے کیے گئے ہیں۔