وزیراعظم شہباز شریف ایک روزہ دورے پر قطر روانہ ہو گئے ہیں۔ وہ اسرائیلی جارحیت کے پس منظر میں اظہارِ یکجہتی کے لیے دوحہ پہنچے ہیں۔ اس موقع پر نائب وزیراعظم و وزیر خارجہ اسحاق ڈار، وزیر دفاع خواجہ آصف، وزیر اطلاعات و نشریات عطا اللہ تارڑ اور معاون خصوصی طارق فاطمی بھی ان کے ہمراہ ہیں۔ وزیراعظم دوحہ میں امیر قطر شیخ تمیم بن حماد الثانی سے ملاقات کریں گے، جہاں وہ اسرائیلی جارحیت اور عالمی قوانین کی خلاف ورزیوں کے تناظر میں قطری قیادت اور عوام کے ساتھ اظہارِ یکجہتی کریں گے۔