راولپنڈی: (ویب ڈیسک) لبنانی مسلح افواج کے کمانڈر ان چیف جنرل روڈولف ہیکل نے جنرل ہیڈ کوارٹرز (جی ایچ کیو) راولپنڈی کا دورہ کیا، جہاں انہوں نے پاکستان کے آرمی چیف جنرل عاصم منیر سے اہم ملاقات کی۔
آئی ایس پی آر کے مطابق، اس اعلیٰ سطحی ملاقات کے دوران دونوں رہنماؤں نے باہمی دلچسپی کے معاملات، خطے کی بدلتی ہوئی سیکیورٹی صورتحال، دفاعی تعاون اور دوطرفہ فوجی تعلقات کو مزید فروغ دینے کے امکانات پر تفصیلی تبادلہ خیال کیا۔
بات چیت میں خاص طور پر دونوں ممالک کی افواج کے درمیان پیشہ ورانہ تعلقات کو مضبوط بنانے، تربیتی تعاون کو فروغ دینے اور ادارہ جاتی رابطوں کو بڑھانے پر توجہ دی گئی۔
یہ دورہ پاکستان اور لبنان کی مسلح افواج کے درمیان قریبی فوجی تعاون کو مزید مستحکم کرنے کے مشترکہ عزم کا مظہر ہے۔
