ملیر (رپورٹ: شاہد حسین): ملیر کے بن قاسم تھانے کی حدود میں پورٹ قاسم پی ایس او پمپ کے قریب سڑک کنارے سے ایک نامعلوم شخص کی لاش برآمد ہوئی ہے۔
پولیس کے مطابق، اطلاع ملنے پر بن قاسم پولیس موقع پر پہنچی اور لاش کو اپنی تحویل میں لے لیا۔ پولیس کا کہنا ہے کہ متوفی کی تاحال شناخت نہیں ہو سکی ہے۔
پولیس کے مطابق، ضروری قانونی کارروائی کے بعد لاش کو ایمبولینس کے ذریعے ایدھی ہوم سہراب گوٹھ منتقل کر دیا گیا ہے، جبکہ واقعے کی مزید تفتیش جاری ہے۔
