گمبٹ (ممتاز میمن): گمبٹ تعلقہ میں مبینہ خودکشی کے واقعات میں اضافہ دیکھنے میں آ رہا ہے۔ گزشتہ ایک ہفتے کے دوران دو خواتین سمیت تین افراد کی جان جانے کے واقعات رپورٹ ہوئے ہیں۔
اگڑا تھانے کی حدود میں گاؤں کورل پٹھان کے رہائشی نوجوان شیراز پٹھان کی لاش درخت سے لٹکی ہوئی ملی۔
اطلاع پر پولیس نے لاش تحویل میں لے کر اسپتال منتقل کی، جہاں قانونی کارروائی کے بعد لاش ورثا کے حوالے کر دی گئی۔
پولیس کے مطابق ابتدائی طور پر واقعہ مبینہ خودکشی معلوم ہوتا ہے، تاہم موت کی اصل وجہ جاننے کے لیے مختلف پہلوؤں سے تحقیقات جاری ہیں۔
