حیدرآباد (ذاکر لغاری): نسیم نگر تھانے کی حدود فیز ون علی پیلس والی گلی میں پرانی دشمنی کے باعث فائرنگ کا واقعہ پیش آیا، جس میں 54 سالہ ظہور علی سولنگی قتل ہو گیا۔
نامعلوم مسلح افراد گھر میں داخل ہوئے اور اس پر فائرنگ کر کے فرار ہو گئے۔ فائرنگ کے باعث وہ موقع پر ہی جاں بحق ہو گیا۔
اطلاع ملنے پر پولیس موقع پر پہنچ گئی اور لاش کو سول اسپتال منتقل کر دیا گیا۔
پولیس کے مطابق ابتدائی تفتیش میں واقعہ پرانی دشمنی کا لگتا ہے، مزید تحقیقات جاری ہیں۔
