نیو جرسی (ویب ڈیسک): فیفا ورلڈ کپ 2026 کے پری کوارٹر فائنل میں ناروے نے شاندار کھیل کا مظاہرہ کرتے ہوئے پانچ بار کی عالمی چیمپئن برازیل کو 1-2 سے شکست دے کر ایونٹ سے باہر کر دیا اور تاریخ میں پہلی بار کوارٹر فائنل میں جگہ بنا لی۔
امریکی ریاست نیو جرسی میں کھیلے گئے میچ میں ناروے کے اسٹار اسٹرائیکر ارلنگ ہالینڈ نے 79 ویں اور 90 ویں منٹ میں دو گول کر کے اپنی ٹیم کو یادگار فتح دلائی۔ برازیل کی جانب سے واحد گول نیمار جونیئر نے انجری ٹائم میں پنالٹی کک پر کیا، لیکن وہ ٹیم کو شکست سے نہ بچا سکا۔
اس فتح کے ساتھ ہی ناروے پہلی بار فیفا ورلڈ کپ کے کوارٹر فائنل میں پہنچ گیا ہے، جبکہ پانچ بار کی عالمی چیمپئن برازیل کا میگا ایونٹ میں سفر ختم ہو گیا۔ کوارٹر فائنل میں ناروے کا مقابلہ انگلینڈ اور میکسیکو کے درمیان ہونے والے میچ کی فاتح ٹیم سے ہوگا۔
