گمبٹ (ممتاز میمن): ایس ایس پی خیرپور نے جرائم پر قابو نہ پانے اور فرائض میں غفلت برتنے کے الزام میں تین ایس ایچ اوز کو عہدوں سے ہٹا کر لائن حاضر کر دیا ہے۔
پولیس کے مطابق ایس ایچ او پیر گوٹھ امداد شیخ، ایس ایچ او کوٹ کالو سلیم دایو اور ایس ایچ او بی سیکشن مشتاق جتوئی کو فوری طور پر لائن حاضر کر دیا گیا ہے۔
ایس ایس پی خیرپور کا کہنا ہے کہ جرائم کی روک تھام میں غفلت کسی صورت برداشت نہیں کی جائے گی، جبکہ بہتر کارکردگی کے لیے مزید انتظامی اقدامات بھی کیے جا رہے ہیں۔
