خیرپور (نامہ نگار) رسول آباد سٹاپ پر تیز رفتار ٹریکٹر نے موٹر سائیکل سواروں کو ٹکر مار دی جس کے نتیجے میں گائوں سمن چنوں کا رہائشی 18 سالہ سہیل ولد راہب چنو کچل کر جاں بحق ہو گیا جبکہ اسحاق چنو شدید زخمی ہو گیا۔
ورثاء اور علاقہ مکینوں کا کہنا ہے کہ حادثے کو تقریباً 2 گھنٹے گزر جانے کے باوجود ایمبولینس اور ہنگورجہ پولیس جائے وقوعہ پر نہیں پہنچی۔ جس پر ورثاء نے لاش کو رکشے میں ڈال کر سڑک پر رکاوٹیں کھڑی کرکے احتجاج کیا جس کے باعث قومی شاہراہ کے دونوں اطراف ٹریفک معطل ہوگئی۔
احتجاج کے دوران مشتعل افراد نے مبینہ طور پر ٹریکٹر کے شیشے توڑ دیئے۔ ورثاء نے مطالبہ کیا کہ حادثے کے ذمہ داروں کے خلاف کارروائی کی جائے اور انہیں انصاف فراہم کیا جائے۔
