تہران (ویب ڈیسک): ایران کے شہید سپریم لیڈر آیت اللہ سید علی خامنہ ای کی نمازِ جنازہ ادا کر دی گئی، جس میں ایرانی صدر مسعود پزشکیان، پارلیمنٹ کے اسپیکر باقر قالیباف اور دیگر اعلیٰ سرکاری شخصیات نے شرکت کی۔
رپورٹس کے مطابق تدفین سے قبل آیت اللہ سید علی خامنہ ای کے جسدِ خاکی کو عراق کے مقدس شہروں نجف اور کربلا بھی لے جایا جائے گا، جبکہ انہیں ایران کے شہر مشہد میں سپردِ خاک کیا جائے گا۔
واضح رہے کہ امریکا اور اسرائیل کے رواں سال 28 فروری کو مشترکہ حملے میں آیت اللہ سید علی خامنہ ای شہید ہوگئے تھے، جس کے بعد ایک ہفتے کے اندر، یعنی 8 مارچ کو ایران کے نئے سپریم لیڈر کا انتخاب کر لیا گیا تھا، تاہم شہید سپریم لیڈر کی فوری تدفین نہیں کی گئی تھی۔
گزشتہ روز شہید آیت اللہ سید علی خامنہ ای اور ان کے ساتھ شہید ہونے والے اہلِ خانہ کے جسدِ خاکی تہران میں عوام کے آخری دیدار کے لیے رکھے گئے تھے، جہاں ہزاروں افراد نے انہیں خراجِ عقیدت پیش کیا۔
