کراچی: کراچی یونین آف جرنلسٹس (کے یو جے) کے صدر اعجاز احمد، جنرل سیکریٹری لبنیٰ جرار نقوی، نائب صدور محمد ناصر شریف اور راہب گاہو، خازن یاسر محمود، جوائنٹ سیکریٹریز طلحہٰ ہاشمی اور روبینہ یاسمین سمیت مجلس عاملہ کے اراکین نے کے یو جے، کراچی پریس کلب اور پاکستان ایسوسی ایشن آف پریس فوٹوگرافرز کے سینئر رکن اور بزنس ریکارڈر سے وابستہ فوٹوگرافر سید اکرام مہدی کے انتقال پر گہرے دکھ اور افسوس کا اظہار کیا ہے۔
کے یو جے کے عہدیداران نے اپنے مشترکہ تعزیتی بیان میں دعا کی کہ اللہ تعالیٰ مرحوم کی کامل مغفرت فرمائے، انہیں جنت الفردوس میں اعلیٰ مقام عطا کرے اور لواحقین کو یہ صدمہ برداشت کرنے کے لیے صبرِ جمیل عطا فرمائے۔ آمین۔
